Аборт – гэта забойства. Чысцінскі доктар адмовілася рабіць аборты пасля размовы са святаром

Дар'я Міхайлоўская, "РГ", 29.04.2012

 

Па статыстыцы за год у свеце робіцца каля 42 мільёнаў абортаў, а за адзін дзень – каля 115 тысяч. Каб зразумець, наколькі гэта страшна,  можна параўнаць з ваенным часам – у польскім лагеры Асвенцыме ў дзень забівалі 30 тысяч чалавек…

Аборт сёння – з’ява вельмі распаўсюджаная. Чаму так адбываецца і ці ёсць выпадкі абортаў сярод непаўналетніх, я вырашыла даведацца ў спецыяліста. На мае пытанні адказала доктар-гінеколаг Чысцінскай паліклінікі Вольга Чухінская.

У Маладзечанскай бальніцы працуе конь (ФОТА)

Кацярына Рысік, "РГ" 09.03.12

Машка – імя кабылы, якая абслугоўвае Маладзечанскі радзільны дом і гарадскую бальніцу. Амаль кожны раз, калі бываю ў гэтым раёне, бачу, як сярод машын імчыцца воз з бялізнай. Трэба з імі пазнаёміцца!

Да конюха мяне павяла адна з працаўніц бальніцы:

-Майсеевіч! У вас жадаюць  інтэрв'ю ўзяць!

- Не трэба інтэрв’ю, навошта?

- Як не трэба? У газеце надрукуем фота вашага каня, – гавару я.

- Ды не трэба Машку здымаць! Вось машыну якую-небудзь сфатаграфуйце новую, а Машку навошта? - хаваецца загадкавы конюх за сваёй "сяброўкай". 

Сама Машка грацыёзна махае хвастом, і, здаецца, гатовая пазіраваць мне. Чаму ж не, калі яна сапраўдная прыгажуня, з такім прамым, як па модзе, рудым чубам?

Валерый Пінчук: уколы тут балючыя...

Валянцін Цішко "Prazhektar" 15.12.2011г.


Як стала вядома, раніцай 14 снежня наш калега, Валерый Пінчук, патрапіў у бальніцу. Сам Валерый кажа, што яму значна лепш, але горла яшчэ баліць.

Валерый мусіў сам звярнуцца да лекараў. Яшчэ 13 студзеня ў вечары яму пачало балець горла, а ўжо на раніцу боль быў нясцерпным. На мае пытанні Валерый адказаў толькі: Усё нармальна, але уколы даюць аж тры разы на дзень, ды такія балючыя...

Міхась Чарняўскі: “Зямлю можна чытаць як кнігу”

Зоя ХРУЦКАЯ, "Рэгіянальная газета", 2.12.2011.

Прэзентацыя кнігі археолага Міхася Чарняўскага “Каменны век Беларусі: ілюстраваны канспект лекцый” адбудзецца ў суботу, 3 снежня, на кафедры гістарычнага факультэта БДУ ў Мінску а палове 15 гадзіны.

Археолаг Міхась Чарняўскі. Фота tio.by.

На 60 старонках кнігі – асноўныя характарыстыкі палеаліту, мезаліту і неаліту, выкладзеныя ў выглядзе канспекта лекцый, якія вядомы ўраджэнец Мядзельшчыны чытаў сваім студэнтам з 2007 года. У ілюстрацыях выкарыстаныя і матэрыялы нашага рэгіёна, напрыклад, карта стаянкі першабытных людзей каля рэчкі Скема, перашыйку паміж Нараччу і возерам Мястра.