Бюро знаходак
даўно няма, пасажыры аўтобусаў вяртаюць толькі драбязу, а таксоўцы і чыгуначнікі
гатовыя самі вярнуць страчаную рэч!
Старэйшыя жыхары
нашага горада ўпэўнілі мяне,што калісьці бюро знаходак размяшчалася ў раёне
завода ”Спадарожнік”. Але калі я патэлефанавала па нумару гарадской даведкі,
голас аператара адказаў,што такой службы ў Маладзечне няма.
Куды ж звяртацца
маладзечанцам у сітуацыі,калі губляюцца альбо пакідаюцца ўласныя рэчы?
Паспрабуем разабрацца.
Грамадскі транспарт
Ведаючы пра тое,што часцей за ўсё рэчы
пакідаюцца ў транспарце,я патэлефанавала ў прыёмную дырэктара “Аўтапарка № 4”.
Па тэлефоне сакратарка сумна паведаміла:
-
А вы
не ведаеце, які цяпер народ? Цяпер пакінутыя рэчы знаходзяць новага гаспадара
хутчэй,чым аўтобус завяршае свой маршрут.Вось і немэтазгодна трымаць такое
бюро.
Далей размова
працягвалася больш узрушана:
-Але быў такі выпадак,калі мужчына пакінуў у
салоне аўтобуса ноўтбук і кандуктар перадала яго механіку,які ў сваю чаргу
вярнуў яго ўдзячнаму ўладальніку. А калі вы пакінулі ключы,пальчаткі ці іншую
дробязу, то можаце не хвалявацца, яны хутчэй за ўсё будуць у кіроўцы
аўтобуса,галоўнае - запомніць,у якім аўтобусе згубіліся рэчы.
Чыгунка
Цікавая размова
адбылася і з супрацоўнікамі чыгункі.
-
Калі
нехта з нашых супрацоўнікаў знойдзе, скажам, тэлефон, мы дзейнічаем проста. Набіраем
з яго на свой мабільнік - каб даведацца нумар уладальніка. А потым тэлефануем
уладальніку і ў прысутнасці міліцыянта вяртаем маёмасць!
-А што ж рабіць з астатнімі рэчамі?
-
У кожным
разе, згубленыя вамі рэчы нікуды не знікаюць, а перадаюцца ў рукі дзяжурнага па
вакзалу, дзе складаецца падрабязны вопіс вашай рэчы.Гэта робіцца для таго,каб
уладальнік хутчэй знайшоў прапажу. Калі ж гаспадар не знаходзіцца, рэчы не
выкідаюцца, а адпраўляюцца ў Мінск на склад згубленых рэчаў. Уявіце сабе,што і
такі склад існуе!
Таксі
Кіроўца службы
таксі 158 Павел Самаль паведаміў:
-
Пасажыры
забываюцца рэчы амаль штодня. І ў асноўным гэта парасоны,пальчаткі, кашалькі. Але чамусьці шукаюць прапажу вельмі
рэдка! Не вераць у тое,што рэчы вернуць. А дарма. Усе рэчы,якія пакідаюць
пасажыры,захоўваюцца ў аператараў таксі і іх можна вярнуць,калі проста
патэлефанаваць у службу таксі.
Кавярня
Наконт забытых
рэчаў, дырэктар кавярні “Мезанін” Ірына была гаваркая,як ніхто.
-О! Вядома
забываюць,асабліва па суботах,нядзелях. Забываюць ўсё: і швэдары, і пашпарты, і
зарадку ад ноўтбукаў і тэлефонаў, і самі тэлефоны. Дарэчы, ў нас да сённяшняга
дня захоўваецца нейкі прыборчык ў шэрай скрыначцы,які таксама нехта забыўся.
Але нешта не спяшаюцца вяртацца за ім.
-А што за прыбор?
-А хто яго ведае?
І, здаецца, не для вымярэння ціску,так нейкі ,мабыць,фізічны. А быў выпадак, калі мужчына забыўся пашпарт,
але так па яго і не прыйшоў. Мусілі звярнуцца ў пашпартны стол.
А бываюць і
сітуацыі, калі людзі прыходзяць упэўненыя ў тым, што менавіта ў нас забыліся
рэч. Зусім нядаўна прыйшоў хлопец і абвінаваціў нас у тым, што мы яму
адмовіліся вярнуць зарадку ад айфону. Казаў, што яна каштуе даражэй за сам
тэлефон. А ён яе забыўся дакладна не ў нас.
Крама
Начальнік службы
аховы магазіна “Алмі” Марат Саўчыц:
-Наш новы магазін
адчыніўся месяц таму, і яшчэ не было ні аднаго выпадку, каб нехта нешта
забыўся. А так, бывае, пакідаюць нейкія дробныя рэчы з пакупак: ёгурты, сыркі.
Таму пытанне пра вяртанне рэчаў у нас не стаіць, але калі вы хутка
апомніцеся,то служба бяспекі заўсёды вам верне рэч, але абавязкова пасля
прагляду камеры назірання. Гэта робіцца для таго,каб мы былі ўпэўнены ў тым,
што менавіта вы забыліся гэту рэч.
Лядовы палац
Адміністратар
палацу:
-А што ў нас на
лёдзе забудзешся? Шапку ды пальчаткі? Яны захоўваюцца ў гардэробе, а паколькі
нашы наведвальнікі прыходзяць да нас часта, то, як правіла, рэчы хутка і
вяртаюцца гаспадарам.
Гасцініца
Апошняя ўстанова,
куды мы звярнуліся – гатэль "Маладзечна". Гутарым з адміністратарам.
-Скажыце, а што
часцей за ўсё забываюцца вашы госці?
-
А
зарадкі для мабільнікаў і пашпарты лічыць? ,-хітра пытаецца адміністратар. І я
разумею,што адказ будзе небанальны.
-
Не,
не лічыць.
-
Тады
заручальныя пярсцёнкі…вельмі часта
трапляюцца.
-
А
былі нейкія цікавыя рэчы?
-
Так
адразу не ўспомніш…А! Басаножак адзін
забыліся …ў студзені. Па рэчы вяртаюцца вельмі рэдка. Вось і цяпер ў
сейфе адміністратара захоўваюцца некалькі пашпартоў. Так што звяртайцеся,калі
ласка, з радасцю вернем!
Выглядае, што калі вы забыліся нешта ў грамадскім месцы -- не вешайце нос і
спрабуйце вярнуць!
Дзяжурны па
чыгуначным вакзале 74- 22-53
Гасцініца
77-16-76
Наталля Тур
Комментариев нет:
Отправить комментарий