У чацвер, 22
лістапада, у цэнтральнай раённай бібліятэцы імя Максіма Багдановіча прайшла
прэзентацыя кнігі Галіны Асіповіч “Голас далёкай маладосці”.
Для яе кніга –
літаратурны дэбют. Пад адной вокладкай Галіна Асіповіч сабрала вершы і мемуары.
Імя аўтаркі не
новае для Маладзечаншчыны. У 1978-1985 гадах Галіна Осіпава ўзначальвала
мясцовы аддзел культуры.
– Мерапрыемства
атрымалася камерным, – паведаміла метадыст бібліятэкі Алена Хіла. – Атмасфера
была вельмі ўтульная. На спатканне з аўтарам прыйшло каля 30 чалавек. Цікава,
што ўсе яны былі прыкладна аднаго ўзросту. Моладзі было зусім няшмат.
Завітаў на
прэзентацыю і краязнаўца Міхась Казлоўскі, які падтрымаў аўтарку сваім
выступленнем.
Некалькі
асобнікаў новай кнігі Галіна Асіповіч падарыла бібліятэцы.
Комментариев нет:
Отправить комментарий