Зоя ХРУЦКАЯ, "Рэгіянальная газета", 16.03. 2012
Сёння ноччу на мяжы з Літвой згарэў грузавы
аўтамабіль з прычэпам. Пажар здарыўся каля пункту пропуску “Катлоўка”
на стаянцы “Слабодка” Тракенінскага сельсавета.
Сёння ноччу кіроўца прачнуўся ад едкага паху дыму.
А першай гадзіне ночы паведамленне аб пажары паступіла ў Астравецкі райаддзел па надзвычайных сітуацыях, паведамляе інспектар групы прапаганды і навучання Эдуард Малышка. Калі выратавальнікі былі на месцы пажару, кабіна машыны “МАН-23403” 1998 года выпуску прадпрымальніка з Калінінграда цалкам згарэла, пашкоджаны тэнт кузава і прычэпа, упаковачная тара сантэхнікі.
Папярэдняя прычына пажару − кароткае замыканне аўтаномнага абагравальніка на дызельным паліве, які ўсталяваны пад сядзеннем кіроўцы.
Фота забяспечана Эдуардам МАЛЫШКАМ. |
Комментариев нет:
Отправить комментарий